இலங்கை - ஈரான் இருதரப்பு உறவுகள் குறித்து தூதுவர் ஹமத் பின் முகமது அல்-தோசரி கலந்துரையாடல்

இலங்கைக்கான கத்தார் தூதுவர் மேதகு ஹமத் பின் முகமது அல்-தோசரி (H.E. Ambassador Hamad bin Mohammed Al-Dosari) அவர்கள், ஈரான் இஸ்லாமிய குடியரசுக்கான இலங்கையின் நியமிக்கப்பட்டுள்ள தூதுவர் (Ambassador-designate) கலாநிதி பஸீஹா அஸ்மி (Dr. Fazeeha Azmi) அவர்களைச் சந்தித்துக் கலந்துரையாடினார்.

இச்சந்திப்பு அன்மையில் கொழும்பிலுள்ள கத்தார் தூதரகத்தில் இடம்பெற்றது.

இந்தச் சந்திப்பின் போது, இலங்கை மற்றும் ஈரான் ஆகிய நாடுகளுக்கு இடையிலான தற்போதைய இருதரப்பு மற்றும் பலதரப்பு உறவுகளின் நிலை குறித்து விரிவாக ஆராயப்பட்டது. அத்துடன், வருங்காலங்களில் இரு நாடுகளுக்கும் இடையிலான ஒத்துழைப்புகளை மேம்படுத்துவதற்கான வாய்ப்புகள் மற்றும் எதிர்காலத் திட்டங்கள் குறித்தும் இரு தரப்பினரும் கருத்துக்களைப் பரிமாறிக்கொண்டனர்.

ஈரானுக்கான தனது புதிய இராஜதந்திரப் பணியை (Mission) ஆரம்பிக்கவுள்ள கலாநிதி பஸீஹா அஸ்மி அவர்களுக்கு, கத்தார் தூதுவர் தனது மனமார்ந்த வாழ்த்துக்களைத் தெரிவித்துக்கொண்டதுடன், அவரது பணி சிறக்க வேண்டி வாழ்த்தினார்.

இலங்கைக்கும் மத்திய கிழக்கு நாடுகளுக்கும் இடையிலான இராஜதந்திர உறவுகளை வலுப்படுத்தும் ஒரு முக்கிய சந்திப்பாக இது கருதப்படுகின்றது.