அலி சப்ரி ரஹீம் எம்.பியின் வாகனம் மோதி ஒருவர் பலி!

புத்தளம் நாடாளுமன்ற உறுப்பினர் அலிசப்ரி ரஹீமின் மகிழுந்து மோதி நபர் ஒருவர் உயிரிழந்துள்ளதாக பொலிஸார்  தெரிவித்துள்ளனர். பாலாவி - கற்பிட்டி பிரதான வீதியில் நேற்றிரவு இந்த விபத்து இடம்பெற்றுள்ளதாக  தெரியவந்துள்ளது. 

உயிரிழந்தவர் புத்தளம் பகுதியைச் சேர்ந்த 44 வயதுடையவர் என தெரியவந்துள்ளது. விபத்து இடம்பெற்ற சந்தர்ப்பத்தில், நாடாளுமன்ற உறுப்பினர் அலி சப்ரி ரஹீமும் அந்த வாகனத்தில்  பயணித்துள்ளதாக பொலிஸாரின்  முதல் கட்ட விசாரணையில் தெரியவந்துள்ளது. 

இந்தநிலையில்,  சாரதி கைது செய்யப்பட்டு நிலையில் விசாரணைகள் இடம்பெற்று வருவதாக பொலிஸார்  தெரிவித்துள்ளனர்.