அரசுக்கு வழங்கிய ஆதரவை வாபஸ் பெறுவதாக மூன்று முஸ்லிம் எம்பிக்கள் அறிவிப்பு

முன்னாள் பிரதி அமைச்சர் பைசல் காசிம், பாராளுமன்ற உறுப்பினர் இசாக் ரகுமான், பாராளுமன்ற உறுப்பினர் தௌபீக் ஆகியோர் அரசுக்கு வழங்கி வந்த ஆதரவை வாபஸ் பெறுவதாக அறிவித்து உள்ளனர். பாராளுமன்றத்தில் இன்று விசேட அறிவிப்பொன்றை விடுத்த பாராளுமன்ற உறுப்பினர் பைசால் காசிம் இதனைத் தெரிவித்தார்.

இதேவேளை, ஆளுங்கட்சியில் இருக்கும்போது தனக்கு ஒத்துழைப்பை வழங்கிய அனைவருக்கும் நன்றி தெரிவிப்பதாகவும் அவர் குறிப்பிட்டார். தொடர்ந்து கருத்து வெளியிட்ட அவர், இன்று நாட்டில் ஏற்பட்ட பொருளாதார நெருக்கடிக்கு தீர்வு காண்பதில் அரசாங்கம் தோல்வியடைந்த காரணத்தினாலும், மக்களுக்கு ஏற்பட்டுள்ள சிரமங்களுக்கு தீர்வு காண்பதற்கு அரசாங்கம் தவறிவிட்டதாலும் நாங்கள் அரசுக்கு வழங்கிய ஆதரவை விலக்கிக்கொள்வதாகவும் அவர் தெரிவித்தார்.