மறிச்சுக்கட்டியில் ரமலான் கால உலர் உணவுப் பொதிகள் விநியோகம்: குவைத் நாட்டின் நிதியுதவியுடன் ISRC முன்னெடுப்பு.

மன்னார், மறிச்சுக்கட்டிப் பகுதியில் உள்ள பாதிக்கப்பட்ட குடும்பங்களுக்கு ரமலான் காலத்தில் வறுமைக்கோட்டின் கீழ் வாழும் மற்றும் பாதிக்கப்பட்ட குடும்பங்களின் உடனடி உணவுத் தேவைகளைப் பூர்த்தி செய்ய  மற்றும் அவர்களின் சமூகப் பாதுகாப்பை உறுதி செய்ய குவைத் நாட்டின் Balad Alkhair Society நிதியுதவியுடன், இலங்கையின் ISRC (International Strategic Research Center) உலர் உணவுப் பொதி விநியோகத்தை முன்னெடுத்துள்ளது.

இந்த மனிதாபிமானப் பணியானது ஐக்கிய நாடுகளின் நிலைபேறான அபிவிருத்தி இலக்குகளான பசியின்மை (Zero Hunger - SDG 2) மற்றும் வறுமையொழிப்பு (No Poverty - SDG 1) ஆகியவற்றை அடைவதற்குப் பங்களிப்பு செய்கிறது.

சர்வதேச பங்காளிகளுடன் இணைந்து, தேவையுடைய மக்களுக்குப் பொறுப்புக்கூறத்தக்க மற்றும் கொள்கை ரீதியான மனிதாபிமான உதவிகளை வழங்க ISRC தொடர்ந்து அர்ப்பணிப்புடன் செயல்படுவதாகத் தெரிவிக்கப்பட்டுள்ளது.