யாழ் நீதிமன்றம் செல்ல முடியாது - கோட்டா

2011ஆம் ஆண்டு காணாமல் போன மனித உரிமை செயற்பாட்டாளர்களான லலித் வீரராஜ் மற்றும் குகன் முருகானந்தன் தொடர்பிலான வழக்கு விசாரணையின் சாட்சியாளராக பெயரிடப்பட்டுள்ள முன்னாள் ஜனாதிபதி கோட்டாபய ராஜபக்ஷ, அது தொடர்பான சாட்சியங்களை யாழ்ப்பாணம் நீதிவான் நீதிமன்றத்தைத் தவிர வேறு எந்த நீதிமன்றத்திலும் வழங்கத் தயார் என அவரது சட்டத்தரணி உயர் நீதிமன்றத்தில் தெரிவித்துள்ளார்.

யாழ்ப்பாணம் நீதிவான் நீதிமன்றில் இடம்பெற்ற விசாரணையில் சாட்சியமளிப்பதற்காக, முன்னாள் ஜனாதிபதி கோட்டாபய ராஜபக்ஷவை அழைக்க முடியாது என மேன்முறையீட்டு நீதிமன்றம் வழங்கிய தீர்ப்புக்கு எதிராக காணாமல் ஆக்கப்பட்டவர்களின் உறவினர்களால் தாக்கல் செய்யப்பட்ட மனு விசாரணைக்கு எடுத்துக்கொள்ளப்பட்ட போது, முன்னாள் ஜனாதிபதி கோட்டாபய ராஜபக்ஷ சார்பில் ஆஜரான ஜனாதிபதியின் சட்டத்தரணி ரொமேஷ் டி சில்வா இதனைத் தெரிவித்துள்ளார்.

பிரீத்தி பத்மன் சூரசேன, ஷிரான் குணரத்ன மற்றும் அச்சல வெங்கப்புலி ஆகிய மூவரடங்கிய உயர் நீதிமன்ற அமர்வு முன்னிலையில் இந்த மனு நேற்று (22) விசாரணைக்கு எடுத்துக்கொள்ளப்பட்டது.

இதன்போது, குறித்த வழக்கு தொடர்பாக யாழ் நீதிமன்றில் சாட்சியமளிக்க முடியாதுஎன கோட்டாபய ராஜபக்ஷ சார்பில் ஆஜரான ஜனாதிபதியின் சட்டத்தரணி ரொமேஷ் டி சில்வா நீதிமன்றில் தெரிவித்துள்ளார்.

ஆனால், யாழ்ப்பாணம் நீதிமன்றத்தைத் தவிர வேறு நீதிமன்றங்களில் சாட்சியமளிக்கத் தயார் எனவும் அவர் குறிப்பிட்டார்.

அதற்கு மனுதாரர் எதிர்ப்பு தெரிவிக்கவில்லை என தெரிவிக்கப்பட்டது.

அதன்படி, இந்த மனுவை மார்ச் 18ஆம் திகதி விசாரணைக்கு எடுத்துக் கொள்வதாக நீதிமன்றம் உத்தரவிட்டது.

2011 ஆம் ஆண்டு டிசம்பர் மாதம் 10 ஆம் திகதி லலித் வீரராஜ் மற்றும் குகன் முருகானந்தன் ஆகியோர் காணாமல் போனமை தொடர்பில் அவர்களது உறவினர்களினால் தாக்கல் செய்யப்பட்ட ஆட்கொணர்வு மனு தொடர்பில் சாட்சியமளிக்க யாழ்ப்பாண நீதிவான் நீதிமன்றில் அன்றைய பாதுகாப்புச் செயலாளராக கடமையாற்றிய கோட்டாபய ராஜபக்ஷவை 2019 செப்டம்பர் 27 அன்று ஆஜராகுமாறு நீதிமன்றம் அறிவிப்பு விடுத்திருந்தது.

உயிருக்கு அச்சுறுத்தல் உள்ளதால் யாழ்.நீதிவான் நீதிமன்றத்திற்குச் சென்று சாட்சியமளிக்க முடியாது எனவும், எனவே குறித்த அழைப்பாணையை செல்லுபடியற்றதாக்கும் வகையில் உத்தரவைப் பிறப்பிக்குமாறு கோரி கோட்டாபய ராஜபக்ஷ 2019ஆம் ஆண்டு மேன்முறையீட்டு நீதிமன்றில் மனுவொன்றை சமர்ப்பித்திருந்தார்.

இந்தக் கோரிக்கையை பரிசீலித்த மேன்முறையீட்டு நீதிமன்றம், கோட்டாபாய ராஜபக்ஷ ஜனாதிபதியாக செயற்படுவதால் சாட்சியமளிக்க அழைக்க முடியாது என உத்தரவு பிறப்பித்திருந்தது.

மேன்முறையீட்டு நீதிமன்றத்தின் தீர்ப்பு சட்டத்திற்கு முரணானது என தீர்ப்பளிக்குமாறும், கோட்டாபய ராஜபக்ச பதவியை இராஜினாமா செய்துள்ளமையினால் சாட்சியமளிக்க அழைக்குமாறு உத்தரவு பிறப்பிக்குமாறும் காணாமல் ஆக்கப்பட்டவர்களின் உறவினர்கள் உயர் நீதிமன்றத்தில் குறித்த மனுவை சமர்ப்பித்துள்ளனர்.

Fazu

ஆபத்தை சுட்டிக் காட்டவே இப்பதிவு, விபரீதம் செய்து விடாதீர்கள்

அல்ஹம்துலில்லாஹ்.. ரமலான் நெருங்கி விட்டது. நாமெல்லாம் மகிழ்வோடு வரவேற்க தயாராகிவிட்டோம். இன்ஷா அல்லாஹ் பிறை கண்ட நாள் முதல் பள்ளியில் தொழ வரும் மக்கள் கூட்டமும் நிறையவே இருக்கும். இதில் நீங்கள் கவனம் செலுத்த வேண்டிய இடம் சிறுவர்களின் வருகையைத்தான். சிறுவர்கள் நிறைய பேர் வருவார்கள். அவர்களை விரட்டி அடிக்கவும் ஒரு கூட்டம் வரும். அந்த ஆபத்தை சுட்டிக் காட்டவே இப்பதிவு. இன்றைய குழந்தைகள் நாளைய தொழுகையாளிகள். அவர்கள் விளையாடவே விரும்புவார்கள். இமாம் ருகூஃ போகும் வரை அரட்டை அடிப்பார்கள். இன்னும் பல சேட்டைகளை செய்வார்கள். அது அவர்களின் விளையாட்டுப் பருவத்துடன் கூடிய ஒரு நிலைபாடு. அதை நாம் சகிக்க வேண்டும். தொழுகைக்கு இடையாறு என்று நினைக்க கூடாது. முடிந்தால் அமைதியாக சொல்ல வேண்டும். சப்தம் போட்டு கத்தக் கூடாது. அப்படிச் செய்பவர் நானும் பள்ளிவாசலுக்கு வந்திருக்கேன் பார் என்று காண்பிப்பது போலாகும். மேலும் வீட்டில் எந்த அதிகாரமும் செல்லாது என்பதால், குழந்தைகளிடம் அதிகாரம் காண்பித்து மகிழ்ந்து கொள்வதாகும். எனவே பள்ளிக்கு குழந்தைகள் வரவேண்டாம் என்று தடுப்பதோ வந்தவர...